وزیراعظم دا علاقائی اتحاد دا مطالبہ، پاکستان اَتے ایران دے خلاف بھارتی و اسرائیلی جارحیت دی شدید مذمت، موسمیاتی مسئلیں اجتماعی اقدامات دے متقاضی ہن، وزیراعظم محمد شہباز شریف دا ای سی او کانفرنس توں خطاب

خانکندی۔ 4 جولائی (اے پی پی) وزیراعظم محمد شہباز شریف علاقائی اتحاد دا مطالبہ کریندے پاکستان اَتے ایران دے خلاف بھارتی و اسرائیلی جارحیت دی شدید مذمت کیتی اے۔ انھاں آکھیا جو ترقی دے عمل وچ اقتصادی تعاون تنظیم (ای سی او) دے رکن ملکاں دے نال اجتماعی کوششاں وچ شرکت تے ماݨ اے، علاقائی تعاون اَتے مشترکہ خوشحالی کیتے ٹیکنالوجی دی ترقی ضروری اے، ودھدے ہوئے سانجھے انحصار اَتے علم دی وسعت دا نواں دور شروع تھیندا پئے۔ ای سی او دے رکن ملکاں کوں موسمیاتی تبدیلیاں دے گہرے اثرات دا سامݨا اے، پگھلدے گلیشیئرز، شدید گرمی، تباہ کن چھل سودھے ݙوجھے چیلنجز درپیش ہن۔ ماحولیاتی مسئلیں نال لکھاں لوکاں دا غذائی تحفظ اَتے روزگار خطرے وچ اے۔ پاکستان موسمیاتی تبدیلیاں توں ٻہوں متاثرہ 10 ملکاں وچ شامل اے۔ موسمیاتی تبدیلیاں نال نبݨݨ سانڳے پاکستان پالیسی وضع کیتی اے، بحالی اَتے تعمیر نو دے چار نکاتی منصوبے تے توجہ مرکوز اے۔ موسمیاتی مسائل اجتماعی اقدامات دے متقاضی ہن۔اے ڳالھ انہاں خانکندی وچ کانفرنس توں خطاب کریندے آکھی ۔ وزیراعظم کانفرنس وچ شریک رہنماواں اَتے ای سی او دے سیکرٹری جنرل دا خیرمقدم کریندے آذربائیجان دے صدر الہام علیوف کوں 17ویں ای سی او سربراہ اجلاس دے کامیاب انعقاد تے مبارخ پیش کیتی اَتے ای سی او ملکاں وچ تعاون دے ودھارے، تنظیم دیاں انتھک کوششاں تے خراج تحسین پیش کیتا۔ انھاں آکھیا جو بدلدی ہوئی اڄوکی عالمی صورتحال وچ ٹیکنالوجیکل تبدیلیاں آندیاں پئن جیں نال سانجھا انحصار ودھدا پئے اَتے ودھدے ہوئی عالمی رابطے علاقائی تعاون مسئلیں دے حل سسودھے اقتصادی تقسیم مکاوݨ اَتے مشترکہ خوشحالی دے اہداف دے حصول وچ مددگار ثابت تھیندے پئن۔وزیراعظم آکھیا جو ایں تناظر وچ اقتصادی تعاون تنظیم اساݙیاں توقعات دی عکاسی کریندی اے، پاکستان ای سی او دے بھرا ملکاں دے قابل فخر شراکت دار دے طور تے مشترکہ اہداف دے حصول کیتے پُرعزم اے۔ انھاں مزید آکھیا جو 17ویں ای سی او سربراہی اجلاس دی خصوصی توجہ پائیدار اَتے ماحولیاتی لچک تے مشتمل مستقبل تے اے، اِے ݙوہیں عوامل وختی تے بھرپور توجہ دے حامل اَتے اہم ہن۔ اوہناں آکھیا جو دنیا دے ݙوجھے ملکاں وانگوں ای سی او دے رکن ملک ماحولیاتی تبدیلی دے اثرات توں متاثر تھیندے پئن جیں وچ گلیشیئرز دا پگھلݨ وی شامل اے جیڑھا درجہ حرارت وچ وادھے دا نتیجہ اے۔ انھاں آکھیے جو ایویں چھل دا ودھارا تے زرعی پیداوار وچ کمی دے مسئلے وی ہن اے مسائل غذائی تحفظ دے حوالے نال کروڑاں لوکاں کیتے غذائی تحفظ دے خطرے پیدا کریندے پئن۔وزیراعظم محمد شہباز شریف مزید آکھیا جو پاکستان ماحولیاتی تبدیلی توں متاثر تھیوݨ آلے 10 وݙے ملکاں وچ شامل اے، 2022 وچ اساکوں وݙی چھل دا سامݨا کرݨا پئے ، 33 ملین توں ودھ لوک متاثر تھئے، ملک اچ ٻہوں وݙا جانی و مالی ضیان تھیا اَتے بنیادی ڈھانچے کوں وی ٻہوں ضیان پڄا ۔ انھاں آکھیا جو گزریل ہفتے وی پاکستان دے ہک ضلع سوات وچ چھل دی وجہ نال کئی قیمتی انسانی جاناں ضائع تھی ڳئیاں ۔ انہاں آکھیے پاکستان اَتے ݙوجھے کئی ملکاں کوں ایں طرحاں دے ضیان دا سامݨا اے تے ماحولیاتی مسئلیاں وچ وادھے دی وجہ نال بحران ودھدے پئن۔انہاں آکھیے پاکستان ماحولیاتی مسئلیاں وچ کمی دے حوالے نال کردار ادا کریندے ماحولیاتی تبدیلی متعلق متعدد پالیسی اقدامات کیتن اَتے “فور ایف” منصوبہ تے تکھے کم کیتا ویندا پئے جئیں دے تحت ماحولیاتی لچک، بحالی، ریکوری اَتے تعمیر نو تے خصوصی توجہ مرکوز کیتی ڳئی اے۔ وزیراعظم شہباز شریف آکھیا جو ایں ماڈل دی کامیابی اساں ساریاں کیتے قابل قدر رہنمائی ݙیندی اے ۔ انہاں آکھیے ایں حوالے نال پاکستان کاربن دے گھٹ اخراج دیاں راہداریاں، ای سی او تے مشتمل کاربن مکاوݨ دے ??لی?? فارم اَتے علاقائی سطح تے قدرتی آفات دے مقابلے دے لچکدار نظام دے خصوصی فریم ورک دی تجویز پیش کریندے تاں جو کلائیمیٹ فنانس دے قیام دے نال نال علاقائی سطح تے کلین انرجی کوریڈور اَتے ایکو ٹورازم کوں ودھارا ݙتا ونڄ سڳےتاں جو پائیدار اقتصادی ترقی دے اہداف دے حصول دے نال نال خاص طور تے نینگراں اَتے تریمتاں کیتے گرین روزگار دے موقع پیدا کیتے ونڄ سڳن۔ انھاں آکھیا جو انہاں اقدامات نال مختلف خطیں وچ ابتدائی ضروریات زندگی ݙیوݨ کوں یقینی بݨاوݨ وچ مدد مِلسی۔عدم استحکام دیاں قوتاں اپݨے جیو پولیٹیکل ایجنڈے دے تحت اساݙے ??طے کوں غیر مستحکم کریندیاں پئن۔ وزیراعظم آکھیا جو اساݙے ??ھرا ملک ایران اَتے ݙوجھے ملکاں تے غیر قانونی اَتے غیراخلاقی اسرائیلی حملہ ایں خطرناک رجحان دی اڄوکی عکاسی اے۔ انہاں آکھیے پاکستان ایران دے خلاف اسرائیل دی جارحیت دے ایں اقدام دی پرزور مذمت کریندے۔ وزیراعظم ایں جارحیت تے ٻہوں افسوس تے شدید مذمت کریندے زندگی توں ہتھ دھووݨ آلیں دی مغفرت اَتے جنت وچ اعلیٰ مقام دی دعا وی کیتی اَتے آکھیا جو اساں ایران وچ زخمی بھراواں اَتے بھیݨاں دی وختی صحت یابی کیتے وی دعاکریندوں۔وزیراعظم محمد شہباز شریف مزید آکھیا جو پاکستان دے خلاف بھارت بلا اشتعال اَتے کُھلی جارحیت کیتی اَتے غیر قانونی بھارتی زیر تسلط جموں و کشمیر وچ تھیوݨ آلے واقعے کوں ایں دی بنیاد قرار ݙتا۔ اوہناں آکھیا جو بھارت دا اے اقدام علاقائی امن کوں غیر مستحکم کرݨ دے مترادف اے۔ انہاں آکھیے اساݙی بہادر مسلح افواج فیلڈ مارشل سید عاصم منیر دی قیادت وچ کردار ݙٹھے ، اساݙے ??ے خوف عوام وی نمایاں کردار ادا کیتے جیڑھا عزم، حوصلہ اَتے پروفیشنلزم دی ہک بہترین مثال اے۔ انہاں آکھیے ایں موقع تے میں پاکستان دے نال اظہار یکجہتی کرݨ تے بھرا ای سی او رکن ملکاں توں اظہار تشکر کرینداں۔ انسان دے پیدا کیتے ڳئے ایں طرحاں دے بحران دا دنیا کݙاہیں وی مشاہدہ نئیں کیتا۔وزیراعظم آکھیا جو غزہ کوں مسلسل بحران اَتے جارحیت دا سامݨا اے جتھاں انسانی ا??دا?? کوں پاسے سٹّ تے امدادی کارکناں سودھے اقوام متحدہ دے اہلکاراں تے وی اسرائیل حملے کریندا پئے۔ انہاں آکھیے جو اسرائیل غزہ دے عوام کیتے اکلونڑی لائف لائن کوں وی کٹ ݙتے اَتے غزہ دے لوکاں کوں شدید غذائی مسئلیں دا سامݨا اے۔ انہاں آکھیے پاکستان دنیا وچ  نشوم لوکاں دے خلاف ایویں اقدامات دی شدید مذمت کریندے، بھاویں او غزہ ہووے یا غیر قانونی مقبوضہ کشمیر اَتے ایران دے علاوہ کتھائیں وی ہووے انہاں آکھیے قدرتی آفتاں اَتے ماحولیاتی تبدیلیاں دے خطرات کوں گھٹ کرݨ دی لوڑھ اے، ہݨ اساں پ??ݨی کوں بطور ہتھیار استعمال کرݨ دی بھارتی جارحیت دا مشاہدہ کریندے پیوں ، بھارت دا اے اقدام غیر قانونی اے جیڑھا ورلڈ بینک دی سربراہی وچ تھیوݨ آلے عالمی معاہدے دی کُھلی خلاف ورزی اے۔ انہاں آکھیے عالمی ثالثی عدالت وی اپݨی ہک اڄوکی رولنگ وچ ایں اقدام کوں غیر قانونی قرار ݙتے۔ وزیراعظم مزید آکھیا جو بھارتی اقدام مکمل طور تے ناقابل قبول ہن اَتے پاکستان انہاں کوں مسترد کریندے۔ انہاں بھارت دی مذمت کریندے آکھیا جو دریائے سندھ دا پ??ݨی 240 ملین لوکاں کیتے لائف لائن اے، بھارت کوں ایں طرحاں دے کہیں وی خطرناک اقدام دی کݙاہیں اجازت نہ ݙیسوں۔ بھارت دا اِے اقدام پاکستانی عوام دے خلاف کُھلی جارحیت تے مبنی اے۔وزیراعظم مزید آکھیا جو تجارت اَتے سرمایہ کاری دا ودھارا علاقائی رابطے دے ودھارے دے اساݙے مشترکہ مقصد دی کامیابی دی کنجی اے۔ انہاں آکھیے ای سی او ماضی دی آر سی ڈی (RCD) تنظیم اے جیڑھاجو ترکیہ، ایران اَتے پاکستان وچال علاقائی تعاون دے ودھارے کیتے قائم کیتی ڳئی ہئی۔ انہاں آکھیے اے معاہدہ 1960ء دے ݙھاکے اچ کیتا ڳیا ہئی ۔ وزیراعظم آکھیا جو ای سی او ٹرانسپورٹ کوریڈور اساݙی انرجی سکیورٹی دے تحفظ، علاقائی سیاحت دے ودھارے اقتصادی ترقی اَتے پیداوار وچ وادھے وچ مدد ݙیسی۔ انہاں آکھیے جو ای سی او وژن 2025 تے 13ویں ای سی او سمٹ اسلام آباد وچ اتفاق کیتا ڳیا ہئی جیں وچ ای سی او ملکاں دی تجارت دا ودھارا بنیادی نوعیت دا ہئی۔ انہاں تاسف دا اظہار کریندے آکھیا جو ایں تے ہݨ تئیں عملدرآمد نی کیتا ونڄ سڳیا۔وزیراعظم آکھیا جو قدیم تاریخی سلک روٹ توں عظیم ورثے دے حامل ای سی او ملکاں کوں بہتر مستقبل کیتے فیدہ چاوݨا چاہیدے ۔ انہاں 2027 وچ لاہور وچ عوامی رابطیں اَتے سیاحت دے حوالے نال کانفرنس منعقد کرݨ تے کانفرنس دے شرکاء توں اظہار تشکر کریندے ہوئیں یقین ݙیوایا جو لاہور پاکستان دا ثقافتی مرکز اے۔ انہاں شرکاء کوں پاکستان دے دورے اَتے لاہور سمٹ وچ شرکت دی دعوت وی ݙتی۔ وزیراعظم سال 2028 اَتے 2029 کیتے ای سی او میری اَتے کاراکول کوں ای سی او ٹورازم کیپیٹل انتخاب تے ترکمانستان اَتے کرغزستان کوں مبارکباد پیش کیتی اَتے آکھیا جو ای سی او رکن ملک جغرافیائی اَتے ثقافتی ورثے دی عظیم تاریخ دے حامل ہن، اساں کنے بے پناہ وسائل موجود ہن اَتے اساݙے 566 ملین عوام دیاں توقعات وی ای سی او نال جُڑیاں ہن جو تنظیم کوں علاقائی تعاون دا ہک اہم ??لی?? فارم سمجھدن۔ وزیراعظم محمد شہباز شریف آکھیا جو ایں حوالے نال پاکستان ازبکستان دی تعاون وچ وسعت ݙیوݨ دی قرارداد دی حمایت کریندے۔ انہاں آکھیا جو علاقائی مسئلیں دے باوجود، آو اساں یکجہتی اَتے تعاون کوں ودھارا ݙیون تاں جو اساݙے ??وام پرامن اَتے خوشگوار زندگی گزار سڳن۔ وزیراعظم اپݨے خطاب دے چھیکڑ وچ سمٹ دے کامیاب انعقاد تے صدر الہام علیوف کوں خصوصی مبارخ وی ݙتی۔